Në një intervistë për emisionin “Tring Stars”, aktorja Adelina Muça rrëfen ndër të tjera mbi mënyrën si vajza e saj Noha e sheh atë si aktore në projektin më të ri, “Familja Kuqezi”. Ndonëse vogëlushja është një fanse e serialit, sigurisht që ka pasur momente të sikletshme, sidomos skenat me puthje.
“Ajo e ndjek, ka raste kur e sheh dhe dy herë. Edhe kur unë nuk e kap orarin e transmetimin, ajo e ndjek dhe kur shkoj në shtëpi, flet pafund për episodin që ka parë. Kryesisht e tërheqin personazhet e fëmijëve, dhe kënaqet me ata të dy. Ka pasur raste edhe kur më ka drejtuar gishtin, por në gjëra që lidhen me marrëdhënien në familje.
Vajta në shtëpi dhe më tha që e kishte parë episodin. Më tha: 'Nuk e kuptoj se çdo të thotë të përqafosh (se nuk thoshte dot të puthësh) një njeri tjetër përveç babit.” – trgon fillimisht Muça.
Edhe pse i shpjegoi se “kjo është normale kur aktron”, përgjigja e Nohas rezultoi e prerë:
“Mirë, mirë; nuk më pëlqeu. Megjithatë uroj të mos ndodhë më.”
Në vijim, aktorja shtoi se Noha, ashtu si ajo dhe bashkëshorti i saj Hervin Çuli, po rritet me frymën e artit dhe qysh tani mendon për shfaqjet e saj.
“Familja Kuqezi” është një serial komedi i zhanrit “Situation Comedy”, i prodhuar nga platforma Tring. Në 1912-n, familja (asokohe Bardhe’zi) përpiqet medoemos të jetë pjesë e ngjarjes së madhe të ngritjes së flamurit të Pavarësisë në Vlorë.
Intervistë e plotë e shihni në vijim.
