Mesa duket Fifi dhe Tayna nuk kanë ndërmend t’i japin fund luftës së diss- eve. E gjitha nisi kur Fifi publikoi këngën e saj të re, Habibi, në të cilën reponte:
“S’më bën përshtypje nëse e ki belin e hollë/ mos i jep vetes rëndësi se je t’u u kalb n’silikon.”
Tani kujtohuni ç’thotë Tayna në “Columbiana”:
“Beli qaq i hollë dy kollona më i qit.”
Vazhdojmë! Jo më larg se disa ditë më parë, në një intervistë për “Mirage”, Fifi u shpreh se as Tayna dhe as Rina nuk kanë bagazh për ta quajtur veten Mami të muzikës.
"Ja nisi prej Rinës. Rina nuk shkruan vetë. Prej kësaj rrjedh se i them performuese, jo repere. Por kënga e fundit e Rinës më ka pëlqyer shumë, "Mami". Pavarësisht se nuk i përshtatet se është shumë e re, por kënga si paketë më ka pëlqyer. Këngët e reja të Taynës i kam dëgjuar se është komentuar dhe më ka rënë në vesh. Unë mendoj, njësoj si Rina duhet të ketë bagazh shumë të madh për ti thënë vetes: Shiko kush jam unë. Se të them unë që kam 7 vjet që e bëj këtë dhe nuk i kam thënë vetes që jam më e mira, domethënë se cfarë po i bëj vetes. Unë nuk jam e para se kanë qenë disa Mc Mimo, Gjira, etj. Rri gjithë ditën në studio, tekstet i shkruaj vetë, por Mami nuk i kam thënë ende vetes." tha Fifi.
Sigurisht kundërpërgjigjja s’mund të mungonte. Pak orë më parë, Tayna ka postuar këtë foto- diss në Instagram ku shkruan:
“Like po e gjetët dikë me bel të trashë” një koment ky që është cilësuar kunjë e drejtpërdrejtë ndaj Fifit.
Javën e shkuar vajzat u përfshinë në një tjetër përplasje virtuale.
“Nuk kom asni problem me asnjonën edhe kom qef femnat sa ma nalt me mbrri po tu mos e rrejt veten. Ama kur t’m’kapesh mu, duhesh mu nal me mendu dy herë. (Nuk kam asnjë problem me asnjërën edhe kam qejf që femrat të arrijnë sa më lart, por duke mos e gënjyer veten. Ama kur të më kapësh mua duhet të ndalosh të mendohesh dy herë.” u shpreh Tayna.
Pas kësaj deklarate reagoi edhe Fifi, përmes një postimi në Instagram Story ku shkruante:
“Vëmendje. Kur t’ia nisësh “motër” vallen duhet të dish ta mbash... ose hyr në kurs të shotes a në ndonjë vend dhe mëso. Vetëm nëse të intereson. Mos hidh kështu kunjash 50- centëshe, se ka mundësI që as nuk i duhet njeriu çfarë je duke bërë ti, sa para ke bërë, sa folloëer- sa e sa koncerte, do t’i kisha bërë edhe unë po s’kam ca të nxjerr. Kështu që ulu me këmbë në tokë o rrush se të ka rënë fama në kokë. Si më e madhe që jam po të këshilloj se nuk është edhe aq e vështirë."
