Si një pjesë e mirë e jona edhe Jessica Alba është e fiksuar pas astrologjisë. Kësisoj ajo vendosi që tatuazhet e fundit, kushtuar fëmijëve, t’i realizonte duke marrë parasysh shenjën e tyre të horoskopit.
Ajo postoi një foto ku shkruan “Honor Binjakët, Haven Luani dhe Hayes Bricjapi”, të cilët janë emrat e dy vajzave (Honor dhe Haven) dhe djalit (Hayes). Një pamje më të qartë:
Si për ironi, në një intervistë për Allure ne 2016-n, Jessica u shpreh se është penduar për disa tatuazhe: “Mendoni dy herë para se të bëni një tatuazh. Kuptoni që nuk ndiheni njësoj në moshën 18-vjeçare, 20, 25 apo 30. Diçka që është kuptimplotë sot, nuk është nesër. Kam disa tatuazhe. Për disa nuk ndihem më njësoj.” Megjithatë, duke marrë parasysh faktin se i dedikohen fëmijëve, zor se do të pendohet.
Pra, nëse jeni të fiksuar pas astrologjisë, mund të pikturoni në trup formën që yjet krijojnë shenjën tuaj të horoskopit. Në vijim gjeni tabelën me yjësitë përkatëse për secilën shenjë dhe disa ide nëse e vendosët tatuazhin e ardhshëm.
