E gjithë java që po lëmë pas, i përket Rihanna-s! Me 20 shkurt ishte ditëlindja e saj, por duke qenë se është DIVË, mund të festojë siç ajo do për një javë rresht!
Përshembull, dje Riri duket se ka marrë partnerin e saj, Hassan Jameel dhe bashkë kanë vendosur të dalin para të gjithëve. Në fakt, të ndiqnin një ndeshje basketbolli në Los Angeles.
Biznesmeni nga Arabia Saudite ishte i veshur me një kostum të zi sportiv, kurse Rihanna dukej më rehat se kurrë. E veshur me bluzen e skuadrës së saj të preferuar “Lakers”, këngëtarja ishte totalisht e përqëndruar në lojë.
Gjithsesi, kjo ishte një nga mënyrat festive që Rihanna zgjodhi për 31-vjetorin e saj. Ditën e mërkurë Riri e priti ditëlindjen bashkë me miqtë e saj të ngushtë ashtu siç di vetëm ajo!
Për t’u rikthyer tek Jammel, pavarësisht thashethemeve të ndarjes, romanca e tyre duket më e lumtur se kurrë!
