Kohë më parë u zbulua se Jonida Maliqi do të ishte pjesë e moderimit të “E diell”, që pritet të fillojë në 3 shkurt. Për shkak të angazhimeve në Eurovision, prej javësh po flitet se kush mund ta zëvendësojë këngëtaren.

“Prive” deklaron se pjesë e “E diell” do të jetë blogger- ja nga Prishtina, Argjira Spanca, e cila ajo, nga ana e saj shprehet se nuk është në dijeni të jetë zëvendësimi i dikujt.

Sipas këtij burimi, Argjira do të ketë një rubrikë të sajën në lidhje me modën.

"Po është e vërtetë që do jem pjesë e E diell. Nuk jam në dijeni që jam zëvendësim i dikujt. Koncepti i këtij emisioni më ka pëlqyer shumë sepse është diçka më ndryshe dhe shumë fun prandaj edhe kam pranuar të jem pjesë. E gjitha çfarë mund të them është që jemi një staf shumë i mirë dhe do sjellim shumë gjëra të bukura për shikuesit.” rrëfeu blogger- ja.

Emisioni nis të dielën, në 15:15.