Çfarë bën një dizajner i famshëm pasi është 'tejngopur' nga sfilatat gjithë shkëlqim? Nëse je Karl Largerfeld, kthehesh në bazë.

Sfilata e fundit e Chanel ishte sa e thjesht aq edhe hyjnore. Mjaftonte një kopësht dhe padyshim koleksioni i ri magjik...

Sfilata e pak orëve më parë u zhvillua në një kopësht të Parisit, Grand Palais. Rreth e rrotull kishte me qindra trëndafila e ndërsa dyshemeja prej rërë e bënte edhe më unike shfaqjen.

Përpos dizajneve të reja, çfarë ra në sy ishin veshjet me gurë të çmuar shumëngjyrësh që padyshim do t’ua shohim së shpejti yjeve në tapetin e kuq.

Çfarë na mësoi tjetër kjo sfilatë, ishte t’i jepnim lamtumirën çizmeve vezulluese, për t’i zëvendësuar ato me copën e preferuar të stilistit, që padyshim ka shkëlqimin më fin që mund t’i duhet një këpuce.

Në kopshtin magjik të Chanel-it, nusja vesh pantallona!

Çdo sezon, Chanel e mbyll sfilatën e tij me një “nuse”, por nëse zakonisht kemi parë fustane të bardhë, kësaj here ideja ishte krejt tjetër.

Modelja Luna Bijl kishte veshur një kostum kostum të bardhë që rrethohej nga një vello e punuar me pupla, duke krijuar kështu një koncept krejtësisht të ri për nusen moderne.