Nuk ka dyshim që Yolanda Hadid është jashtëzakonisht e bukur. Dhe e tillë ka qenë gjithnjë, mjafton të shihni fotot e vjetra që postojnë vajzat e saj njësoj të bukura, Gigi dhe Bella. Fotot ama, s’tregojnë gjithë të vërtetën.
Përmes postimit të fundit, supermodelja shfaqet e zhveshur nga gjithë gjërat që mendonte se i duheshin për t’u dukur e bukur. Yolanda ka hequr dorë nga botoksi, fillerët, implantet e gjoksit dhe zgjatimet e flokëve.
“Po jetoj në një trup të pacënuar nga implantet e gjoksit, fillerët, botoksi, zgjatimet e flokëve dhe gjithë gjepurat e kësaj natyre që mendoja se më duheshin për t’u dukur si imazhi i gruas seksi që më ishte mbjellë në tru. Shëndeti është pasuri, kështu që edukohuni para se të vendosni, studiojeni mirë informacionin që keni para se të fusni lëndë të panjohura në trup.
M’u deshën shumë vite e shumë zgjedhje të gabuara para se të zbuloja se rruga drejt lirisë kalon nga bukuria e brendshme dhe nga pranimi i versionit më të mirë të vetes sime[...] Bukuria s’ka kuptim pa shëndet.”
Pa fillerë, botoks dhe implante, Yolanda duket dhe ndihet më mirë. Kjo ka rëndësi.
