KESHILLA PER BLERJET TUAJA
Horoskopi Vjetor

Horoskopi i vitit 2019 nga Susan Miller: Shigjetari

11 Janar 2019

22 nëntor- 21 dhjetor

Planeti udhëheqës: Jupiteri

Elementi: Zjarr

Ju keni punuar fort dhe gjatë ndaj me ardhjen e 2019- s ju pret një vit plot me çmime në shumë aspekte të jetës suaj. Do të shihni ndryshime në fushën e dashurisë dhe pasionit; gjithashtu rritje impresionuese përsa i përket karrierës, shëndetit dhe udhëtimeve. Të gjitha këto zhvillime do të ndodhin pasi planeti juaj udhëheqës, Jupiteri ka hyrë në shenjën e Shigjetarit.

 Jupiteri rrotullohet rreth Diellit për 12 vite duke qëndruar çdo vit në një shenjë. Në fund të vitit të shkuar, planeti i mundësive dhe fatit të mirë hyri në Shigjetar për herë të parë që prej 24 nëntorit 2006 deri në  18 dhjetor 2007, ndaj 2019 do të jetë një nga vitet më të mira të jetës tuaj.  Jupiteri do të qëndrojë në Shigjetar deri në 2 dhjetor 2019, kështu që do te keni goxha kohë për të shijuar të gjitha të mirat që Jupiteri ka rezervuar për ju. Sipas astrologëve të lashtë, kur një person i pamartuar ose beqar ka Jupiterin në shenjën e tij, siç ju e keni tani, dhe që do ta keni gjatë gjithë vitit, është I predispozuar për të njohur dashurinë e vërtetë. Por duhet te bëni pjesën tuaj duke dalë dhe shoqëruar me njerëz  sepse siç e thamë keni kohë deri në 2 dhjetor 2019 për të përjetuar romancë.

Përgjatë vitit do t’ju shoqërojnë udhëtime jashtë vendit, ku pritet të bëni të paktën një vizitë në një vend ekzotik apo në një ishull parajse, që gjithmonë e keni menduar si të pamundur. Këtë vit duhet të ëndërroni gjëra të mëdha, pasi gjithë të mirat që i mendonit të parealizueshme mund të ndodhin TANI!

Nëse jeni të lidhur mund të bëni një udhëtim së bashku që do të jetë shuuuuumë inspirues. Do të krijoni kujtime që do t’i mbani mend përgjithmonë. Të udhëtuarit bashkë do t’ju afrojë më shumë me partnerin.

Ndonëse buxheti s’do jetë fprt në favorin tuaj, udhëtimin do ta bëni me patjetër. Mundësia mund t’ ju vijë nga një burim i papritur. Shefi juaj mund t’ju japë biletat për një punë përtej detit ose mund të fitosh një udhëtim përmes një emisioni në televizor.

Me Jupiterin në shenjën tuaj do të shihni si shëndeti do t’ju përmirësohet dhe do të ndiheni më të fuqishëm dhe optimistë se kurrë më parë. Do të filloni të hani më shëndetshëm ose do të merreni me një sport të ri. Shigjetari është i lidhur ngushtë me idenë e një trupi, mendje dhe shpirti të fuqishëm. Ndërkohë që mendoni për shëndetin, bëni një kontroll të syve si dhe shkoni te dentisti. Një orë me një specialist mund t’ju ndryshojë jetën për mirë.  Nëse jeni atlet , këtë vit mund të arrini një rekord personal si dhe mund të fitoni një garë.

Nëse jeni i varur nga një substancë e dëmshme dhe keni nevojë për rehabilitim, në 2019- n do të merrni masa për të përmirësuar jetën tuaj. Merrni ndihmë nga një specialist. Mund të keni jetën që dëshironi- Ky është viti i ndryshimit!

Do të njihni persona të suksesshëm nga të gjitha fushat e jetës. Mes këtyre njerëzve të rëndësishëm do të ketë nga ata që do t’ju ndihmojnë të ecni përpara.

Mbani shënim pasi hëna e plotë në 19 shkurt 2019 do të sjellë një pikë kulminante në fushën profesionale. Një lajm do t’ju befasojë! Një projekt ose punë është drejt fundit në 19 shkurt, por do t’ju vijë diçka e re e cila do t’ju sjellë lirinë dhe do të lërë stampën tuaj të kreativitetit në të.

Nga të gjithë eklipset e 2019- s, ai i ditës së Krishlindjeve do të sjellë lajmet më të gëzueshme; mund të merrni një bonus të majmë ose dhurata të çmueshme. Por jini të vëmëndshëm pasi 2019- a do të vijë së bashku me përgjegjësi të mëdha. 

27 dhjetori do të jetë dita më me fat për të gjithë, në të cilën Jupiteri do të takohet me Diellin. Të gjitha shenjat do të përfitojnë nga ky takim i artë, secila në mënyra të ndryshme.  Për ju kjo ditë do të karakterizohet nga përfitime financiare si dhe do ta gjeni veten në vendin e duhur dhe në kohën e duhur!

Copyright Anabel.al / Ndalohet ribotimi pa lejen e redaksisë.

MOS I HUMBISNI