Studentët e Fakultetit të Inxhinierisë së Ndërtimit, Arkitekturës, Urbanistikës dhe jo vetëm kanë protestuar mëngjesin e sotëm kundër rritjes së tarifave arsimore.

Një ndër arsyet kryesore të protestës lidhet me heqjen e tarifës prej 670 lekësh për kredit për çdo provim të mbartur.

Sipas Top Channel, zv.ministrja Besa Shahini ka kërkuar prej studentëve disa përfaqësues, por ata kanë preferuar të qëndrojnë në rrugë. Në disa momente, kanë goditur me vezë dhe sende të tjera godinën e ministrisë së Arsimit.

"Edhe ne si Franca", "E duam arsimin si gjithë Europa" janë disa prej thirrjeve.