Lajmi se seriali “Friends” do të hiqet nga “Netflix” në 1 janar të 2019-ës, hidhëroi keqazi fansat. Dhe revoltën pas një lajmi si ky, e shprehën nëpër rrjete sociale, aq sa u duk si një protestë e mirëfilltë virtuale.

“Ata po heqin “Friends” nga Netflix. Jeta ime s’mund të shkonte më keq se kaq!”- shkruan dikush dhe njësoj si ky ishin pafund reagime të tjera.

“Pavarësisht email-ve që Netlix dërgon me “filmat që mund të na pëlqejnë”, kurrë s’do ta ndreqin dëmin që bënë duke hequr Friends-at!”- shkruan një tjetër.

Pavarësisht këtij vendimi, heqja e “Friends” nga kjo platformë do të jetë një humbje e madhe, duke marrë parasysh popullaritetin e këtij seriali edhe pse kanë kaluar më shumë se 24 vjet nga krijimi i tij.

Gjithsesi, së fundi përfaqësues të “Netfix” kanë bërë me dije se seriali do të jetë sërish pjesë e saj dhe s’ka ndërmend të hiqet në fillim të muajit janar.

Ndonëse ende nuk dihet edhe për sa kohë do të jetë pjesë e saj,  fansat do të mund ta shijojnë edhe përgjatë 2019-ës.