Diskutimin rreth ndërhyrjeve plastike të 2 ditëve më parë, Suada Sherifi e ka vazhduar sërish përmes disa Instastory-ve të reja. Në fotot e publikuara pak orë më parë, ish miss-i na riktheu shumë vite pas.
Përpos fotove ku Suada tregon ndryshimin fizik që ka pësuar ndër vite, ajo u ndal tek një nga pamjet e saj teksa konkurronte në “Miss World 2005”.
“Këtu jam për të ardhur keq! Në skenën e Miss World 2005. Flokët dhe grimi nga unë. Pavarësisht se ato që kishin një ekip të tërë me vete shkëlqenin! Unë s’do e harroj kurrë sallën që më duartrokiti fort edhe me këtë fustan që çfarë të them! Kaq kishim mundësi.”- shkruan Suada në foton ku shfaqet e veshur me një fustan të bardhë, që ndonëse ish-miss-it tani i duket i tmerrshëm, për kohën me shumë gjasa ka qenë i bukur.
“Duhet të kisha marrë çmimin vetëbesimi!”- shton ajo me shaka dhe ka të drejtë. Pavarësisht grimit, flokëve apo fustanit, çfarë bien në sy janë buzëqeshja dhe qëndrimi ato që rrëmbejnë vëmendjen.
