E ftuar dje tek “Rudina” në Klan ishte Bora Zemani. Moderatorja foli rreth eksperiencës së re tek “Kënga Magjike”, por u ndal gjatë tek djali i saj 4-vjeçar, Arbori.

Pavarësisht projekteve profesionale që kohët e fundit i zënë një pjesë të mirë të kohës, Bora thotë se vogëlushi i ka ndryshuar tërësisht jetën.

“Ai bën 4 vjeç në dhjetor. Nuk e di nëse jam një nënë tipike, por mendoj se jemi duke u rritur bashkë sepse jam bërë mama shumë e re. Jam nëna Arborit, por mendoj se do të jem një shoqe shumë e mirë gjithë jetën.

E kam shijuar prindërimin, jam marrë shumë me të sidomos vitin e parë të jetës, kam qenë e fiksuar.”- u shpreh Zemani e cila shtoi se mëmësia nuk i është dukur aspak e vështirë, por thjesht e bukur.

“Të qënit nënë nuk më duket e vështirë, më duket e bukur. Mua ai më ka ndryshuar shumë!”

Përsa i përket ish-partnerit të saj, Vin Velit ajo tha se ndarja e tyre nuk ka ndikuar aspak tek dashuria ndaj vogëlushit.