Pas “Hide mbi kalldrëm”, “Gurët e vetmisë” ishte libri i radhës që bëri bujë, sidomos pasi u zbulua edhe identiteti i personit që qëndronte pas pseudonimit Tom Kuka – Enkel Demi. Mirëpo, pse pikërisht ky emër?

I ftuar pasditen e sotme (15 nëntor), Enkel Demi sqaroi ndër të tjera edhe zgjedhjen e emrit.

“Zgjodha emrin Tom Kuka sepse e kisha personazh në mendje. Edhe nga ana e muzikalitetit më qëndronte. Për mua nuk kishte rëndësi të identifikohesha, por që libri të pëlqehej ose të bëheshin vërejtje,” tha ai.

Në fund, theksoi sërish se të qenurit anonim e ndihmoi për të kuptuar nëse ishin pëlqyer realisht librat. “Pseudonimi më shërbeu t’i çoj njerëzit tek brendësia.”