Në një kohë kur Zanfina Ismajli duket se është tërhequr nga muzika, këngëtarja i ka treguar hapur publikut se gjërat që shihen nga ekrani apo rrjetet sociale nuk janë ashtu siç duken dhe se lodhja në botën e muzikës është e madhe. Në një intervistë për emisionin "Mirage" Zanfina ka deklaruar:
“Nuk jam prej atyre që shiten sikur bëjnë një jetë që nuk e bëjnë. Nuk bëhem mega pasanike nëse nuk jam mega pasanike. Nëse blej një palë syze i blej për vete jo për t’u treguar të tjerëve: Hejj, shiko çfarë kam. Një pjesë e madhe e popullit të Kosovës është në varfëri ekstreme, ne t’i shesim mend? Nuk hahet me asgjë.”
Më tutje vazhdon:
“Pjesa më e poshtër e muzikës është lodhja e madhe; ndonjëherë mezi arrin të merresh vesh, qoftë për një koncert; ndonjëherë s’kemi mundësi për të paguar biletën, ndonjëherë kemi; jo po shko në aeroport, paguaj këtu... Këto janë ato gjërat e vogla që të bëjnë nervoze dhe ta mbushin kupën.”
Po kështu artistja foli rreth hiteve, rreth karrierës së saj ndër vite, me gjithë ulje- ngritjet.
