Bradley Cooper, i cili ka luajtur 2 herë përkrah Jennifer Lawrence (tek “Silver Linings Playbook dhe American Hustle) ribashkohet me aktoren në filmin dramatik “Serena”. Në një video të re në prapaskenë, në bashkëpunimin e tyre të fundit, ata lavdërojnë njëri-tjetrin.
“Kam kapur jack-pot-in duke punuar me Jennifer Lawrence”, thotë Cooper. “Sapo ajo sjell në jetë një personazh, ai kap shumë dimensione. Në të gjitha momentet ajo është një qënie njerëzore.”
Në film, Lawrence dhe Cooper luajnë një çift të sapomartuarish, të cilët drejtojnë një biznes druri në Karolinën e Veriut në 1930-ën. Komplikacionet shtohen, kur Cooper kupton se Lawrence nuk mund të bëjë fëmijë.
“Ajo është një aset i mrekullueshëm. Ndoshta vlera e saj më e madhe është niveli i saj i qetësisë kur aktron…është diçka shumë emocionuese ta kesh partnere në një skenë filmi. Pak a shumë si Robert De Niro. Janë shumë të ngjashëm në këtë gjë.”
Lawrence ia kthen lavdërimet: “Është kaq e lehtë sepse kur luan një film me dikë, në të njejtën kohë je duke i njohur. Në këtë film , ne e kemi njohur njëri-tjetrin që më parë. Është shumë më i lehtë për t’u realizuar”.
“Ai të bën për të qeshur. Edhe kjo e bën më të lehtë. Ke një personazh në mendje, kur je duke lexuar skenarin…dhe vjen Bradley në sheshxhirim dhe çdo gjë ndryshon.”
Trajleri i "Serena"
Burimi: The Huffington Post
#showbiz
