Xhensila është lindur më 9 prill, ndërsa Besi më 20 nëntor. Kemi të bëjmë me një Dash dhe një Akrep. Dyshja u martua vjet, pas një lidhjeje shumë vjeçare dhe kanë një vajzë bashkë të quajtur Ajka. Nga jashtë, duket se gjërat po shkojnë më së miri për çiftin, po planetet ç’thonë?
Kur Dashi dhe Akrepi bëhen bashkë të gjithë vrasin mendjen si dreqin ia dilnin pa njëri-tjetrin. Të dyja shenjat janë të prirura drejt pushtetit dhe mësojnë ta ndajnë qendrën e vëmendjes. Edhe Besi, edhe Xhensila janë të famshëm dhe s’e kanë problem të mbeten pakëz në hije kur njëri ka një projekt a event të rëndësishëm. Për shembull, periudhën e dasmës, të gjithë flisnin për Xhensilën. Ndërsa tani, që Besi ka një emision të ri në Tv Klan, të gjithë flasin për të.
Të dyja shenjat janë të prirura ndaj debateve të nxehura. “Detyrimisht ka zënka,” tha Besi në një intervistë për Ora News. “Edhe po s’ka duhet ta krijosh, që të japë ndonjë impuls." Lidhja e tyre është pasionante dhe xheloze. Akrepi është më i duruar, por edhe më posesiv se Dashi. Kur Akrepët lëndohen, i nxjerrin të gjitha. Pavarësisht dallimeve në mënyrën si i shprehin emocionet, të dy partnerët e ndjekin rrezikun dhe ndërmarrin rrisqe. Lidhja e tyre s’mund të jetë kurrsesi e mërzitshme.
Ndonjëherë, dy shenjat hasin keqkuptime – Dashi është ekstrovert, tërësisht i hapur, i thotë gjërat troç; ndërsa Akrepi është më emocional, shpeshherë dhe manipulativ. Në raste të caktuara, nevojitet një armpushim që gjërat të rikthehen në normalitet.
Dashi dhe Akrepi sundohen të dy nga Marsi, planeti i pasionit, ndërsa Akrepi sundohet edhe nga Plutoni, planeti i fuqisë. Kur bëhen bashkë dy njerëz me energji Marsi, është sikur të takohen dy ushtarë në një fushë beteje: ose janë armiq, ose aleatë. Besi dhe Xhensila janë aq aleatë, sa u martuan bashkë! Marsi është gjithashtu planeti i pasionit, kështu që Dashi dhe Akrepi bëjnë qejf bashkë, në dhomën e gjumit ose jo.
Dashi është shenjë zjarri, ndërsa Akrepi shenjë uji. Nëse këto elementë bashkojnë emocionin dhe veprimet fizike të nevojshme për t’i çuar gjërat para, janë një kombinim i shkëlqyer. Akrepi, pra Besi, është strategjist dhe e ndihmon Dashin të ngadalësojë dhe të mësojë si të planifikojë para se të veprojë. Dashi, pra Xhensila, i mëson Akrepit si të heqë dorë dhe të bëjë përpara pa u dërrmuar emocionalisht. Të dy mbështesin prej kohësh karrierat e njëri-tjetrit dhe të dy janë çdo ditë më të suksesshëm se më parë. Zjarri dhe uji u kombinuan fiks ashtu si duhet me këta të dy.
E mira e një marrëdhënieje Dash-Akrep është bashkimi i fuqive. Të dyja shenjat janë fitimtare dhe nuk heqin dorë, pavarësisht rrethanave. Marrëdhënia e tyre thjesht përmirësohet dita-ditës.
