Dizajneri i brand-it të njohur gjerman, Philipp Plein duket se ka marrë gjithë kohën e botës për t’u marrë me këdo që vesh imitime të veshjeve të tij.
Në një varg Instastory-ish, në llogarinë e tij të Instagram-it, 40 vjeçari ka postuar foto të njerëzve të thjeshtë nga e gjithë bota të cilët kanë zgjedhur të vishen me Philipp Plein, por fallco.
Mes të tjerëve, ai demaskon edhe shqiptarët.
Ajo çfarë duket se e ka besdisur dizajnerin e njohur janë tagg-et që i vijnë si njoftime në llogarinë e tij.
“Dua të bëhem tutor dhe prandaj blej fallco”- ironizon mbi foton e një djali shqiptar, i cili siç duket mban veshur një bluzë jo autentike të markës së tij.
“Kur je e gjitha e veshur me fallco dhe bën tag gjithë brand-et origjinale në foton tënde!”- vazhdon ai dhe kësaj here e ka me një vajzë nga Mitrovica, e cila ka bërë gafën t’i bëjë tag Plein-it pa menduar kurrë se një ditë ai do të merrej me bluzën e saj...
Madje, me dikë tjetër përveçse t'i vërë në dukje bluzen fallco është marrë dhe me përshkrimin e fotos. "A e bëson vërtetë atë budallallëkun që shkruan?"
