Mendojmë "djalin e keq", Stresin (kujto: ">Bad Boy 4life) dhe në mendje na shkojnë tituj si “Lambo”, “Fake Love” apo “GTA”. Me pak fjalë gangsteri që siç edhe vetë thotë “mos m’guc mu se t'vi t’killi”.

Kështu teksa është përpjekur të na tregojë përgjatë viteve anët e tij të fortë, këtë herë reperi ka menduar t’ia dedikojë muzikën e tij, pikës së dobët, mamasë.

Në këtë edicion të “Kënga Magjike”, Stresi do të konkurrojë me “Të du Mom”, këngë të cilën e prezantoi ditën e sotme. Po kështu, përmes një postimi në Instagram, reperi shkruan:

"E shtrenjta ime puthjet e tua më kanë bërë mua artist. Është Djali yt. A e di se jeta fillon duke u zgjuar i dashuruar me fytyrën e nënës. Çdo Dashuri lind dhe përfundon aty. Mos e harro kurrë fytyrën e nënës. Është Personi i vetëm në këtë botë që të do ende pa të parë, është dora që tund djepin krejt botën në borë e ka." pjesë kjo e shkëputur nga teksti.