Samantha Markle, gjysmë- motra e dukeshës Meghan Markle duket se nuk e ka ndër mend të ndalet. Vetëm pak ditë më parë 53- vjeçarja zbarkoi në Londër me misionin e vetëm, për t’u konfontuar me Meghan publikisht.

Duke qenë se nuk e pati fatin të takonte dukeshën, Samantha u shfaq në disa dalje televizive radhasi dhe në njërën prej tyre i kërkoi falje publike të motrës.

“Do doja thjesht të thoja se ka kaq shumë ujë poshtë urës dhe shumë prej tij ka dalë jashtë kontrrollit. Gjë e cila nuk ka qenë e qëllimshme. Ju e kuptoni, të gjithë ne ishim të lënduar për shkak se nuk u ftuam në dasmë. Gjithsesi ne zgjedhim të vazhdojmë përpara me mendime pozitive.

Ndjesitë dhe fjalët e këqija nuk do të kishin marrë këto përmasa, por na besoni ose jo kjo nuk do të thotë se ne e duam më pak. Besoj që kjo ndodh tek çdo familje kur ndjenjat e njërit prej tyre lëndohen.  Me pak fjalë, kërkoj ndjesë dhe do të doja që gjërat të ishin ndryshe.”

Këto ishin fjalët e 53- vjeçares që deri diku na bënë të besonim se tashmë ajo kishte reflektuar mbi gjithçka.

Ama siç duket Samantha nuk e paska ndër mend fare të ndalet dhe ditën e djeshme ka vijuar përsëri sulmet ndaj dukeshës në median sociale Twitter.

“Bota nuk e di që babai ynë e rriti atë në pjesën më të madhe të kohës, veçanërisht nga mosha 12- vjeçare deri në gjimnaz duke i dhënë asaj gjithçka që është dhe ka. Ajo kurrë nuk është rritur si fëmijë i vetëm. E vërteta! Ai (Thomas Markle) është i mrekullueshëm dhe i suksesshëm dhe Meghan gënjen, ” ka shkruar 53- vjeçarja në një status në profilin e saj në Twitter ditën e djeshme.

“Ajo i zhduku të dyja anët e familes së saj ndaj ajo duhet të fitojë besimin tonë për t’u kthyer sërish në vend. Ti nuk mund të hedhësh në plehra një familje të tërë dhe më pas të vraposh duke thënë se nuk mund të kesh besim te askush.”

Ka vazhduar Samantha.

Pas këtyre reagimeve kuptohet se e motra e dukeshës nuk e ka ndër mend ta lërë të qetë këtë të fundit dhe është gati të bëjë ç’të jetë e mundur për të fituar vëmendjen e saj.