Javën e shkuar, në një intervistë për “Mirage”, Blero deklaroi se në dasmën e tij me Afrona Dikën do të ftonte edhe ish- bashkëshorten, Teuta Krasniqin. Sigurisht me t’u thënë kjo, lindi kureshtja për të ditur se ç’mendon Teuta, ka në plan të shkojë?

Nuk vonoi shumë dhe Krasniqi u pyet po nga “Mirage” nëse do ta pranonte ftesën e Bleros. Me qetësi dhe tepër e qeshur, Teuta u përgjigj:

“Nëse Afrona bën kanagjegj [festë e nuses me miqësinë] me qejf shkoj sepse kam mendim shumë të mirë për Afronën, ndërsa në dasmë do të ishte pak e çuditshme, kështu që do të merrem vesh me Afronën dhe nëse ajo bën kanagjegj do të jem aty. Ndërsa dasma mendoj se është për miq dhe familjarë dhe po të shkoja unë nuk besoj se do të ishte gjë e këndshme për asnjë, do të ishte e çuditshme. E rëndësishme është që Tara [vajza e Teutës dhe Bleros] do të jetë në dasmë dhe me siguri do të jetë shumë e  lumtur sepse ka raporte shumë të mirë me Afronën.”

Po nëse Tara kërkon me patjetër që ta shoqërojë e ëma?

“Jo nuk besoj, sepse Tara është shumë e pjekur. Ndonjëherë habitem, mënyra se si komunikon me mua, me babain e saj, me Afronën, me krejt është e mrekullueshme. është çikë [vajzë] shumë e pjekur dhe i kupton gjërat shumë mirë dhe asnjëherë nuk ka kërkesa fëminore apo të paarsyseshme sepse ajo e kupton dhe është shumë e lumtur me këtë raport të shëndetshëm që e kemi krijuar në rrethin tonë, pasi ajo është më e rëndësishmja; fëmijët janë të pafajshëm dhe fëmijët meritojnë lumturi, mirëqenie, gëzim dhe dashuri pa kusht.” ka përfunduar Teuta.