Besojmë e keni parasysh situatën (sigurisht që po!) kur prej ditësh pret të të vijnë periodat. Nuk je fare në humor, prekesh pa arsye, ke dhimbje dhe barku të është fryrë, tmerrësisht shumë. Sikur të mos mjaftonte e gjitha kjo, ato as nuk e kanë në plan të vijnë, s’duken gjëkundi! Më poshtë keni disa nga arsyet kryesore përse keni të bëni me vonesë të menstruacioneve:

Kanceri në vezore

Kanceri i vezoreve mund të jetë një nga arsyet. Përpos mosardhjes së menstruacioneve, në një rast të tillë përgjithësisht do të keni edhe probleme urinare, humbje në peshë dhe dhimbje të jashtëzakonshme në fundin e barkut. Nuk është e thënë të jetë medoemos një rast i kancerit ovarian, por nëse nuk ju kanë ardhur periodet për 3 apo më shumë mnuaj, nxitoni për një kontroll mjekësor.

Aktiviteti i tepërt fizik

Aktiviteti fizik do t’ju ndihmojë tejmase t’ja dilni me atë që njihet si periudha paramenstruale, ku përfshihen 4- 5 ditët (ose edhe një javë) e luhatjes së humorit apo fryrjes së barkut. Megjithatë, nëse ushtroheni fuqishëm dhe shumë shpesh mund të bëheni shkak i mungesës së periodave për 2- 3 apo më shumë cikle me radhë. Sforcimi i tepërt fizik ju shtyn të humbisni yndyrën trupore çka sjell luhatje në nivelin e hormoneve.

Mittelschmerz

Nëse keni dhimbje të gjoksit, siklet, ngërçe por periodat nuk ju vijnë, arsyeja mund të jetë fare e thjeshtë: nuk është ende koha, periodat janë rrugës. Termi gjerman mittelschmerz (dhimbje e mesme) përfaqëson periudhën 14- ditore ku trupi i shumë grave (20% e tyre) parapërgatitet për ardhjen e periodave. Gjithçka është normale për aq kohë sa dhimbjet kalojnë masën. Në një rast të tillë apo në rastin e shfaqjes së një infeksioni konsultohuni me mjekun.

SST

Disa sëmundje seksualisht të transmetueshme si gonorreja dhe klamidia shkaktojnë dhimbje të ngjashme me të periodave. Nëse vini re që qetësuesit nuk e përmirësojnë situatën, përkundrazi keni ethe dhe të vjella nxitoni te specialisti.

Të tjera arsye:

Stresi

Kontraceptivët oralë

Probleme tiroidale

Shtatzëni

Burimi: Women's Health