Dy orë më parë, Arbana Osmani postoi në llogarinë e saj në Instagram spotin e “Dua të të bëj të lumtur”, ku bëhet me dijeni se emisioni do të nisë në janar.

Spoti është realizuar në Toskanë, kamera fokusohet për pak çaste në pllakën e rrugës “Via dell'Amore”, Arbana endet sa në një rrugicë në tjetrën, pamje që s’kanë si të mos të të sjellin ndërmend klipin e këngës Mike.

“Dua të të bëj të lumtur” ka për qëllim të trajtojë histori njerëzore dhe kjo është ajo çka përcillet edhe në spot: një fëmijë teksa luan me top, diku një cift, më pas një tjetër; Arbana duke vallëzuar në sheshin e qytetit, më pas një vogëlush i zgjat një trëndafil, me pak fjalë një spot i këndshëm, emocionues dhe i mirërealizuar.

Çështja është: përse në Toskanë dhe jo në Pezë, Qerret apo Burrel? Spoti ka konfuzuar edhe Olti Currin, i cili shkruan:

“Ka kaluar emisioni te RAI ? Apo keni shkuar për ti bërë surprizë Salvatore Ferragamos!”

“Lumturia nuk njeh kufij” është përgjigjur Arbana duke na shtyrë të mendojmë me të drejtë, se ndoshta në fokus do të jenë historitë e shqiptarë përtej kufijve tanë.

Ose ndoshta ishte thjesht një zgjedhje e rastësishme, estetike. Deri më atëherë, mbetet për t’u parë!