Apple ka shpenzuar me muaj të tërë për të krijuar iPhone- ët e rinj dhe deri më tani kemi parë disa prej tyre. Por së fundmi, kompanisë i  është dashur të paralajmëroj klientët e tij për një rrezik të pranishëm tek telefonat ekzistues.

Ata kanë lajmëruar se tek iPhone 8 ka disa difekte prodhimi dhe si pasojë mund të sjellin riformatim të papritur, ekrani mund të ngrijë ose mund të ketë probleme me hapjen  telefonit. Gjithsesi, në faqen zyrtare ata kanë bërë me dije se vetëm një pjesë e vogël e iPhone 8- ës janë prekur nga kjo.

Lajmi i mirë  është se Apple ka një mënyrë shumë të thjeshtë për ta zgjidhur. Nëse keni vënë re edhe ju një nga defektet e mësipërme, thjesht vendosni këtu numrin tuaj të serisë dhe kompania do ta zgjidhë menjëherë kundrejt asnjë pagese.

Ky lloj shërbimi do të jetë në dispozicion të përdoruesëve deri në 3 vjet që pas shitjes së parë me pakicë. iPhone 8 plus dhe iPhone X nuk janë të prekura nga ky defekt.