Edhe pse nuk ishte e nominuar në asnjë çmim të “GQ - Men of the Year Awards”, që për vitin e 21-të nderon gratë e burrat më të mëdhenj të muzikës, filmit, modës, sportit, politikës dhe artit në bashkëpunim me Hugo Boss, sërish këngëtarja ia doli të tërhiqte vëmendjen maksimale teksa kalonte në tapetin e kuq mbrëmjen e djeshme.

Si gjithmonë, pa patur frikë në zgjedhjet e saj, Rita i befasoi të gjithë me një fustan të zi gjysmë të thurur, të mbuluar me kristale, që zbulonte pjesën e këmbëve nga “Ralph & Russo Fall 2018 Couture”.

27-vjeçarja u duk e mahnitshme me veshjen asimetrike teksa iu bashkua aktorëve të Hollywood-it, politikanëve, stilistëve të modës dhe personaliteteve të tjera televizive në mbrëmjen e ndarjeve të çmimeve.

Ajo e shoqeroi veshjen me një palë taka dhe geta të zeza, që kombinoheshin mjaft mirë me rripin e lidhur në bel.

Përsa i përket grimit, Rita joshëse guxoi me një ton syn metalik dhe buzëkuq në nuancat e ngjyrës koral.

Flokët në gjatësi mesatare bjondë platinë i preferoi të kthyer në pjesën e supeve, gjë që i jepte më shumë sensualitet gjithë look-ut.

GQ AWARDS 2018 u mbajt mbrëmjen e djeshme në galerinë e arteve moderne në Londër, “Tate Modern”, ku figura të rëndësishme publike mrekulluan tapetin e kuq dhe rrëmbyen çmimet simbolike. Disa nga fituesit kryesorë janë si në vijim:

“Çmimi për arritjet e larta në fushën e filantropisë” – Princi Charles

“Legjenda e dizajnit” – Ralph Lauren

“Artisti më i mirë solo” – Dua Lipa

“Sportisi i vitit” – Harry Kane

“Politikani i vitit” – David Lammy

“Brendi i vitit” – Philipp Plein

“Shkrimtari i vitit” – Michael Wolff

“Ikona e modës” – Naomi Campbell

“Mashkulli më stil nga Hugo Boss” – John Legend

“Stilistja më e mirë” – Donatella Versace

Listën e plotë të çmimeve e gjeni duke klikuar këtu.