Në një artikull të mëparshëm, në të cilin përmendej rasti i një gruaje që ndihej keq pas mastrubimit, pyetëm ndjekëset tona nëse edhe ato ndiheshin njësoj dhe si ndikon ky proces në jetën seksuale.

Bazuar tek votimet, 68% e tyre thanë se nuk ndiheshin keq,

ndërsa përsa i përket përmirësimit të përvojave seksuale, por jo vetëm, pjesa dërrmuese, 75%, pohoi se ndikimi është pozitiv dhe kanë të drejtë.

Duke përmbledhur disa artikuj të ndryshëm, në vijim lexoni përfitimet kryesore në jetën seksuale dhe jo vetëm, të cilat shkaktohen nga masturbimi.

Masturbimi nënkupton më shumë orgazma për të gjithë

Do kaloni kohë me veten dhe kush më mirë se ju e njeh trupin tuaj? Orgazma për të tërë dhe ç’është më e bukura, mund të eksperimentoni me trupin tuaj, me lodra seksi dhe me video porno sa të doni në privatësinë e shtëpisë tuaj. Kështu do ta keni më të qartë se çfarë doni dhe çfarë ju bën të ndiheni mirë. Sapo të keni arritur në nivelin ‘master’ të të kaluarit vetë në orgazëm, ndajeni eksperiencën tuaj me partnerin.

Do të doni veten më shumë

Lidhja me trupin në këtë formë kaq intime mund të ketë një ndikim të paparë tek vetbesimi juaj. Duke njohur trupin dhe gjithçka që ai është i aftë të bëjë, do të ndiheni më mirë për pamjen tuaj. Masturbimi çliron endorfinë dhe kjo do t’ju mbajë në gjendje shumë të mirë gjithë ditën. Pse do t’ju bëjë kjo më të mirë në seks? Sepse duke qenë në harmoni me trupin tuaj, keni më shumë vetbesim dhe gati të hidheni në detin e pasionit. S’ka më frikëra të tipit ‘O Zot çfarë po shikon ai atje poshtë?’.

Masturbimi është ushtrim shumë i mirë për vaginën

Me kalimin e viteve, si i gjithë turpi, edhe muskujt e vaginës lëshohen. Masturbimi i rregullt shërben si ushtrim për muskujt. Nuk shkuat dot në palestër sot? S’ka gjë, ekziston gjithnjë masturbimi. Dhe partneri do ta dashurojë vaginën tuaj.

Më në fund mund të qetësoheni

Ndiheni të stresuar? Masturbimi është një mënyrë brilante për të relaksuar mendjen dhe muskujt. Trupi i post-orgazmës do t’ju bëjë të ndiheni të relaksuar dhe të lehtë si një pupël. Kështu largoni të gjithë streset e punës dhe jeni më të karikuar për seks. 

Masturbimi dmth shëndet!

Një tjetër bonus i lojërave me veten është ndikimi pozitiv në sistemin imunitar. Pas çdo orgazme rritet niveli i imunoglobinave (hero për forcimin e sistemit imunitar), duke ju mbajtur në formë, të shëndetshëm dhe gati për aksion me partnerin.

Copyright Anabel.al / Ndalohet ribotimi pa lejen e redaksisë.