Në Iran, janë arrestuar disa njerëz prej videove që kanë postuar në Instagram, mes tyre një adoleshente që filmoi veten duke kërcyer.
Sipas aktivistëve, Maedeh Hojabri është vetëm një prej përdoruesve të Instagramit që u arrestuan. Identitetet e të tjerëve nuk janë konfirmuar ende.
Llogaria e saj, e cila është momentalisht e pezulluar, kishte mbi 600 mijë ndjekës.
Që prej arrestimit, Hojabri u shfaq në një program televiziv bashkë me të arrestuar të tjerë. Çfarë ajo tha u konsiderua nga aktivistët si rrëfim i detyryar, një taktikë e përdorur shpesh nga autoritetet iraniane.
Në televizion u shfaq një vajzë e re, me fytyrë të fshehur, duke qarë dhe e shokuar teksa tregonte pse filmonte videot në fjalë.
Teenage dancer, Maedeh Hojabri, was arrested in Iran. She used to record dance videos in her bedroom and upload them to her instagram with 600K followers.#?????_????? pic.twitter.com/3EDVR9veV3
— Negar (@NegarMortazavi) July 8, 2018
“S’i bëja për vëmendje. Kisha disa ndjekës dhe videot i bëja për ata. Nuk doja të inkurajoja të tjerët të bënin të njëjtën gjë. Nuk punoja me njerëz të tjerë, nuk më trajnoi kush. Merrem me gjimnastikë.”
Nuk dihet asgjë për jetën personale të Hojabrit apo nga cili qytet i Iranit është, por që prej arrestimit, videot e saj janë shpërndarë nga qindra njerëz.
Her name is Maeade Mahi. Recently she got arrested just because of uploading her dancing videos on her Instagram. If you are a woman in Iran and you dance or sing or show your hair then you are a criminal. If you want to enjoy your true self, you have to brake the laws every day. pic.twitter.com/0eIq5ld5x6
— Masih Alinejad ?? (@AlinejadMasih) July 7, 2018
Videot janë filmuar në një dhomë gjumi, teksa Hojabri kërcen e pambuluar me hixhab, i cili është i detyruar në ambiente publike. Në sfond dëgjohet muzikë perëndimore, rep e orientale.
Hossein Ronaghi, bloger, thotë se: “Njerëzit s’e besojnë që në Iran arrestohen 17-vjeçarë që kërcejnë, janë të lumtur dhe të bukur sepse shpërhapin shthurje, në të njëjtën kohë që pedofilët ecin të lirë.”
Vendasit mendojnë se autoritetet do të ndalojnë përdorimin e Instagramit, i cili mbetet një prej aplikacioneve të pandaluara në Iran. Facebook dhe Twitter filtrohen aktivisht.