Sezoni i ri i “Shiko kush Luan”, ku Luana Vjollca mban autorësi të plotë erdhi me ndryshime të mëdha përsa i përket hyrjeve të reja.
Përpos ndryshimit të kapitenëve të skuadrave ku në vend të Edi Manushit dhe Gent Hazizit do të jenë çdo të shtunë Florjan Binaj dhe Adi Pojana, risi ishte edhe këngëtarja Marsela Çibukaj.
Kaq është dashur dhe siç duket kudo nëpër portale zëvendësimi i Çibukajt me Fifin është përfolur si shkak i një sherri të mundshëm mes Luana Vjollcës dhe artistes. I gjithë ky aludim e ka shtyrë Fifin të reagojë me shpejtësi në Instagram:
“Domethënë ju pseudomedia dhe pseudogazetarë. Sa keq më vjen ndonjëherë që jetoj në një kohë më ju. Çfarë janë këto tituj aman se më futët në bela [telashe] me krejt botën duke qenë mirë e bukur. Ishalla ju shitet lajmi e bëni ndonjë lek. Por s’është mirë kështu.”
Më poshtë, këngëtarja sqaron se arsyeja e vetme e largimit të saj është përfundimi i kontratës me televizionin.
“Kontrata ime e punës ne televizionin Top Channel ka qenë shtator 2017 deri qershor 2018. Ka mbaruar kontrata, unë kam vazhduar punët e mia ato punët e veta. Luana Vjollca ka marrë me të drejtë të Zotit këngëtare tjetër që është me kontratë vjeçare në Top Channel. Kjo s’do të thotë që kam ikur me sherr siç ke për të ikur ti për shembull që e ke bërë këtë lajm. Njerëz të painformuar.” përfundon postimi.
