Lidhja e Ariana Grande dhe Pete Davidson po ecën me shpejtësinë e dritës. Deklaruan se ishin bashkë më 21 maj, shpallën fejesën më 12 qershor dhe së fundi, tatuazhet janë bërë pjesë e pandashme e dyshes. Davidson ka bërë tatuazh veshë lepuri pas veshit në nder të Ariana-s, ndërsa ajo ka bërë një tatuazh dedikim për babain e Davidson, i cili u nda nga jeta në sulmet e 11 shtatorit.
Shumë prekëse dhe e ëmbël, për sa kohë janë bashkë, por këtë s’na e siguron kush. Sidoqoftë, të dashuruarit më të rinj të Hollywood-it s’janë të parët që shënjuan në bojë të përjetshme lidhjen e tyre. Më poshtë gjeni tatuazhet dedikim më të mirëmenduara dhe më të sikletshme.
Jay-Z dhe Beyonce
Të dy bënë tatuazh “IV” në gishtat e unazës pasi u martuan. Numri romak simbolizon ditët e tyre të lindjes (4 shtator dhe 4 dhjetor), ditën e dasmës (4 prill), albumet (4 nga Beyonce dhe 4:44 nga Jay-Z), emrin e mesit të së bijës (Ivy) dhe linja e rrobave (Ivy Pak). Asnjë nga këto s’e ndaloi Beyonce-n ta ndryshonte tatuazhin që t’i ngjasonte më shumë një 4-e të mirëfilltë.
Miley Cyrus dhe Liam Hemsworth
Cyrus dhe Hemsworth janë fejuar dy herë deri tani dhe e kanë shënjuar dashurinë e tyre me tatuazhe që citojnë fjalimin e Theodore Roosevelt nga 1910-a për Citizenship in a Republic. Tatuazhi i Hemsworth thtoë: “Nëse ai dështon, të paktën dështon duke guxuar fuqishëm,” ndërsa i Cyrus: “Vendi i tij s’do të jetë mes shpirtrave të ftohtë dhe të druajtur që s’njohën as fitoren as mposhtjen.” Të dy tatuazhet thonë, në fjalë të tjera: “Haters, shihni punën tuaj.”
Drake dhe Rihanna
Në 2016-n, Drake deklaroi dashurinë e tij të pamatë për Rihanna-n gjatë një ceremonie çmimesh. U puthën dhe pastaj u bojosën bashkë. A i rezistoi ndjenja kohës? Dëgjoni albumin e fundit të Drake ku flet për djalin që fsheu nga bota dhe flasim pastaj.
Katy Perry dhe Russel Brand
Kur Perry dhe Brand u martuan, të dy kishin tatuazh në bicepse shprehjen në sankrit “Anuugacchati Pravaha” që do të thotë “Ec me rrymën”. Edhe pse ata janë ndarë, tatuazhet mbetën. Merreni si provë që dashuria zgjat pak, por sloganet klishe që s’kanë vlerë zgjasin përjetë.
Liam Payne dhe Cheryl
Vjet, Payne zbuloi e kishte bërë tatuazh në krah syrin e Cheryl. Ishte një deklaratë e bukur dashurie që i rezitoi... si thatë? Janë ndarë? Sapo janë ndarë? Ah, e sikletshme.
Charlie Sheen dhe Denise Richards
Sheen dhe Richards kishin tatuazh emrat e njëri-tjetrit në trup kur u martuan, por të dy i kanë ndryshuar me kohë. Richards e shndërroi në një zanë, ndërsa Sheen e ktheu emrin “Dennise” në “Ëinning”.
Johnny Depp dhe Winona Ryder (dhe Amber Heard)
Në vitet ’90, kur aktori ishte i lidhur me Winona Ryder, bëri tatuazh “Winona forever” (Ëinona përgjithmonë). Pastaj u ndanë dhe Depp e rregulloi në “Wino forever”. Vite më vonë, kur ai filloi të dilte me Amber Heard, aktori bëri tatuazh fjalën “SLIM”, një nofkë përkëdhelëse për Heard. Pastaj u ndanë dhe ai e ktheu në “SCUM” (llum). Johnny Depp duhet t’i japë fund tatuazheve.
