Me siguri i mbani mend sa shumë preferoheshin dikur bluzat e gjera ushtarake. Përveçse ishin kaq komode, nëse dije si t’i kombinoje do të dukeshe shumë stil.
Epo, ju themi se ngjyra ushtarake është sërish në modë dhe kur këtë e konfirmon Victoria Beckham, nuk ka më vend për diskutim.
Javën e kaluar, Znj. Beckham është parë e veshur me një bluzë të thjeshtë ushtarake të futur nën xhinse. Veshjen e kishte kombinuar me një palë syze gjigande, të cilat vetëm asaj mund t’i shkojnë.
Ikona e modës duket aq e dashuruar me veshjet ushtarake, sa e ka quajtur “T-shirt-in e ri!”, duke e bërë pjesë të koleksionit pranverë/verë 2019.
Gjithsesi, ajo nuk është e vetmja që mbështet rikthimin e bluzeve kamuflazh.
Këtë sezon edhe Michael Kors prezantoi disa xhaketa, fustane, funde madje edhe aksesorë me detaje ushtarake.
