“Artist, Ikonë, Miliarder: Si e krijoi/ngriti pasurinë e tij 1 miliard dollarëshe Jay Z” titullohet një artikull i “Forbes”, sipas së cilës zyrtarisht, 50- vjeçari është reperi i parë në botë që zotëron një vlerë të tillë.
Bashkëshorti i Beyonce- s ka mundur të krijojë një perandori të tërë falë bizneseve të shumta që përfshijnë artin, tregtimin e alkoolit, pasuritë e patundshme e shumë të tjera. Ndër vite, fama e artistit mundi të përparojë me hapa gjigantë, ku nga një shpërndarës droge (para se të merrej me muzikë), Jay Z numëron sot disa albume, pafund para dhe plot 22 çmime Grammy.
Në fillesat e tij, reperi krijoi labelin Roc-A-Fella Records, duke debutuar në 1996- n me albumin “Reasonable Doubt”.
Duket se përpos të qenurit një artist i suksesshëm, Jay Z është gjithashtu një biznesmen i shkëlqyer. Kështu, ndër të tjera reperi zotëron biznese ose aksione në:
Kompaninë ( e shampanjës) Armand de Brignac- 310 milionë dollarë fitime
Kompaninë (e konjakut) D’Ussé- 100 milionë dollarë
Pasuri të patundshme- 50 milionë dollarë
e të tjera.
I lindur më 4 dhjetor 1969, Jay Z është baba i tre fëmijëve, Blue Ivy Carter- it, Sir Carter- it dhe Rumi Carter- it.
