Ndodh ndonjëherë që në një moment të caktuar të së përditshmes sonë rikthehemi tek e kaluara. Prandaj edhe në Anabel.al ka pafund artikuj si këngët shqiptare të vjetra që dëgjohen ende, teste "Sa shqiptar i vërtetë je" apo "Objektet që i kemi të gjithë në shtëpi" Kontakti me të kaluarën është i pashmangshëm, ndaj mjaftoi një foto e postuar në Instagram-in e anabel_hostel, që inbox-i i faqes të bombardohej me një lumë fotosh: DIVANI I JETËS SONË.
Pasi përjetuam pak momente nostalgjie, ku dikush e lidhi divanin me çastet trishtuese të 1997-s,
dikush u kthjellua dhe kuptoi se nuk ia diti vlerën,
ndërsa një tjetër qeshi duke kujtuar të shkretin gjysh që s’i ndahej shpirti nga divani i famshëm,
le të qeshim edhe ne paksa. Ja e fillojmë me këtë foto. Edhe pse nuk duket mirë, të gjithë ata që e njohin e dinë sesa multi-funksional ishte ky divan.
Shërbente për të fjetur, për të ngrënë, për të vendosur rrobat, për të bërë detyrat, për të hekurosur dhe për të shkrepur fotografitë e famshme, për të cilat do të flasim në vijim më konkretisht. Divanë me ide inovatore; kafë dhe të zbukuruar me trëndafila.
Kalojmë pak tani nga divani me lule tek “Epoka e ngjyrës kafe”: kafe e errët,
kafe e çelët,
kafe a.k.a si lëkurë tigri,
e GJITHË shtëpia kafe.
Divani ishte sfondi i preferuar i fotografive: foto sipër divanit,
foto midis divanëve,
foto në divan,
në cep tek krahu i divanit
dhe kur divani ishte i zënë, zëvendësohej nga kolltuku.
Do largohemi pak nga tema e divanit për t’u përqëndruar me gjithë qejf tek: Lulja e shqiponjës dhe lulet e tjera, të cilat duronin lagështirën, tymin e cigareve dhe gjithë hallet e shtëpisë.
Vazhdojmë me perdet e gjata e të gjera sa sipërfaqja e murit, të cilat ishin gjithashtu të pashmangshme kur bëhej fjala për foto. Ti shkoje aty, e prekje me dorë dhe buzëqeshje e lumtur që realizove pozën e ëndrrave.
Të gjithë, të gjithë, të gjithëëëë kanë një foto me në sfond një qilim-muri të dekoruar me drerë, tigra, flamingo a ca ndërtesa të çuditshme.
Sa e sa shumë njerëz hapën albumet për të nisur në Instagramin e Anabel fotot e ngjashme me të tjerët. Sa të ndryshëm jemi, por sa shumë gjëra na bashkojnë. Ah, dikush na kujtoi edhe këto shapkat e famshme prej llastiku, për të cilat do të flasim herë tjetër.
Shënim: Gjithë albumin e “Divani i jetës sime” e gjeni në Instagram-in e anabel_hostel të vendosur tek Highlights.
Shijojeni! :)
Copyright Anabel.al / Ndalohet ribotimi pa lejen e redaksisë.
