Që kur Robert Berisha pranoi publikisht se as ai as Nora nuk flasin me Tunën, të gjithë duan të dinë më shumë rreth konfliktit brenda familjes Berisha. I ftuar ditën e djeshme në emisionin n’Kosovë Shoë, Roberti sigurisht nuk shpëtoi nga pyetja e famshme.

Ndonëse shkaku i zënkave mes tyre ende nuk është i qartë, Roberti  la të kuptohet se keqkuptimet kanë nisur pas dasmës së tij dhe Norës.

“Po, përpara kemi folur , por si çdo çift që ka problem dhe ata kishin, por normal që unë dua vëllain tim më shumë se secilëndo kunatë. Edhe 70 kunata po të ndërrojë!”- u shpreh ai.

Ajo çfarë mes të tjerave Roberti donte të sqaronte, është se marrëdhënia e tij me Tunën nuk ka të bëjë fare me Norën.

“S’ka të bëjë Tuna, Nora. Kjo është tek unë, ka disa gjëra që s’më pëlqejnë dhe i pres, as nuk kam qejf të më përmendi as unë s’kam qejf ta përmend. Ishalla jeton 100 vjet me suksese dhe më të mirat e botës. Kjo është diçka private. U bë e madhe, por nuk ka shtëpi që nuk ka probleme si ne.”- vazhdoi ai.

Edhe pse në intervistën e dhënë për Prive, Roberti u duk sikur nuk do të bëjë kurrë paqe me gruan e të vëllait, kësaj here tonet ishin zbutur.

“Njeriu që di të fal është njeri i madh. Nuk ka asgjë që s’rregullohet, kryesorja është që ato të jenë mirë.