Do thoni ju, “nuk pritëm të na e tregoni ju si gatuhen makaronat”.

Në rregull, makaronat mund të duken si një ndër pjatat më të thjeshta për t’u gatuar, ama na duhet t’ju themi se recetat e tyre mbajnë brenda shumë hile. 8 nga keto hile kemi vendosur ne t’i ndajmë me ju, në mënyrë që herës tjetër t’i gatuani makaronat më mirë se një shef italian.

Kripa

Mos ja kurseni kripën ujit të makaronave. Përgjithësisht shefat italianë të kuzhinës përdorin edhe kripën e zezë për ta ngopur ujin me vlerat dhe shijen e saj.

Sasia

Mos hidhni më shumë dhe as më pak se ç’duhet makarona. Përpiquni të përdorni një masë e cila përcakton sasinë e duhur të makaronave për ju.

Ruani ujin

Uji në të cilin janë zier makaronat është fantastik për të përgatitur salcën. Kështu që mos e derdhni kurrësesi ujin e makaronave.

Zierja

Gatuajini makaronat aq sa të mbeten “al dente”. Makaronat që nuk ngjisin nëpër dhëmbë janë zier më shumë se duhet.

Kombinimi

Zgjidhni makaronat e duhura për salcën që do të gatuani. Jo të gjithë llojet e makaronave shkojnë me  të gjithë llojet e salcave.

Mos blini...

Mos e blini kurrë salcën e domateve. Nëse dëshironi të gatuani makarona me salcë domatesh e mira është që këtë të fundit ta bëni vetë.

Kujdes...

Bëni kujdes në përzgjedhjen e djathit kaçkavall. Një djathë i mirë është finalizimi i një recete të shijshme.