Në fund të muajit maj, Maroon 5 publikoi bashkëpunimin surprizë me reperen Cardi B. Kënga mbante titullin “Girls Like You”. Më tepër se ritmi, ajo çfarë e bënte të veçantë projektin e ri të grupit ishte klipi. E pamundur të mos e keni vënë re praninë e yjeve teksa kërcenin krah solistit Adam Levine.
Dhe lista e grave të famshme ishte padyshim gjetja e këtij klipi. Në fillim të këngës, shfaqet ylli i hitit “Havana”, Camila Cabello e cila këndon dhe kërcen krah tij për tu zëvendësuar nga emra të tjerë po aq të njohur.
Vajza të njohura nga fusha e sportit, muzikës, filmit dhe televizionit shoqëruan yllin e Maroon 5, teksa këndonte “Girls like you”.
Aty nga fundi i klipit shfaqet moderatorja e njohur Ellen DeGeneres, Jennifer Lopez, Rita Ora, Gal Gadot dhe modelja Ashley Graham.
Sigurisht, ndërhyrja e reperes Cardi B në këngë ishte ajo që e bëri këngën e plotë.
“Jam e sigurtë që vajzat e tjera kanë qenë të lezetshme,
Por ty të duhet dikush për ta bërë më pikante
Hë, kë do telefonosh? Cardi, Cardi”
Ndonëse në përgjithësi klipi ishte minimalist, pesha e vajzave që u shfaqën aty mjafton për ta dëgjuar këngën me orë të tëra pa u lodhur.
Fundi i video klipit mbyllet me partneren e këngëtit, modelen Behati Prinslo dhe bebushen e tyre 4 muajshe Gio Grace.
