Fotot e fejesës (nëse do ketë një të tillë, sigurisht) mund të rezultojnë një tmerr i vërtetë - fotografi nuk e di cila është ana juaj më e mirë, nuk po bëni një selfie dhe sikur të mos mjaftonte, presioni është i madh. Prandaj kushtojini pak kohë 5 rregullave të arta për të shkrepur foton perfekte
1. Sigurohuni që fotografi/ja të jetë i duhuri. Pyesni dhe merrni rekomandime nga miqtë tuaj. Një profesionist i mirë do të bashkëpunojë dhe do të realizojë vizionin tuaj e gjithashtu do t’ju japë këshilla për dekorin, veshjen e gjithë organizimin; i di më mirë disa gjëra, kështu që le t’i besojmë.
2. Zgjidhni një vend që ka kuptim për ju; mund të jetë në shtëpi, në park, në rrugë, në librari në plazh, në kafene etj.
3. Mos e mundoni veten duke menduar për çdo detaj të fotos. Shijojeni momentin, argëtohuni dhe silluni natyrshëm. Nëse nuk i kontrolloni dot emocionet gjatë fotove, merrni kohë për t’u relaksuar dhe përqëndrohuni vetëm tek partneri.
4. Mbani mend që nuk jeni duke xhiruar një set fotografik mode, ndaj mos u sikletosni më kot për veshjet. Vishni diçka që ju qëndron mirë dhe ju shkon pa thyer kodin e një eventi të tillë.
5. Shumëllojshmëri! Duhet me patjetër që të ketë një gamë të madhe të fotografive. Kërkoni që disa të jenë horizontale, disa nga larg e të tjerat më nga afër e sigurisht zgjidhni këndet më të mira.
Burimi: Vogue
