Thonë se sytë janë pasqyra e shpirtit, por nëse doni vërtet të njihni më shumë rreth karakterit të personave që ju rrethojnë, provoni të shihni këmbët.
Edhe më parë, në artikuj të ndryshëm ju kemi prezantuar si të lexoni mjekrën, formën e këmbës, e në këtë rast do të përqëndrohemi tek gishtat e këmbës. A mund të marrin vesh ndonjë gjë të vërtetë duke analizuar gishtat e këmbëve?
Absolurisht që po, thotë ekspertja e refleksologjisë (e njohur edhe si terapi e zonës së këmbëve, që përfshin teknika të masazhimit të këmbëve përmes gishtave, duarve, pa përdorur solucion) Jane Sheehan. Ajo është autore e tri librave lidhur me këtë temë dhe ka lexuar e studiuar aq shumë për këmbët sa i mëshon fort faktit që këmbët janë tregues të karakterit tonë dhe mund të zbulojmë shumë karakteristika përmes tyre.
“Hiqini çorapet dhe do të jem në gjendje t’ju them nëse jeni të egër, aventurierë të çmendur, nëse jetoni jetën në harmoni etj.
Ja çfarë thotë Jane për secilin prej gishtave të këmbës suaj:
Gishti i madh i këmbës
Nëse gishti i madh i këmbës është më i gjatë se të tjerët, ju jeni një njeri mendimtar, i zgjuar dhe kreativ. Ja dilni gjithmonë të gjeni zgjidhje të zgjuara dhe nuk ju mungojnë idetë. Nuk ngurroni asnjëherë të përgjigjeni dhe përpiqeni vazhdimisht t’i shihni gjërat nga këndvështrime të ndryshme. Keni një të metë-përqëndrimi.
Nëse gishti i madh është relativisht i vogël, kjo tregon se jeni një njeri i shkëlqyer për të mbaruar gjithë detyrat; punoni në mënyrë shumë efektive dhe gjithë punët tuaja janë efikase. Gjithashtu përdorni vazhdimisht sharmin tuaj për të bindur njerëzit që të ndjekin idetë tuaja.
Gishti i dytë
Sa më i gjatë të jetë gishti i dytë, aq më shumë cilësi të liderit keni ju. Jeni dinamikë dhe të shkathët, por dëshira juaj për t’i bërë gjërat kur dhe si doni ju, mund të ndikojë pak negativisht.
Një gisht i dytë më i vogël se të tjerët tregon se jeni të lumtur edhe pse vetëm. E vlerësoni harmoninë dhe mundoheni të sfidoni veten përmes situatave të ndryshme.
Gishti i tretë
Kinezët e lidhin energjinë dhe pushtetin me gishtin e tretë. Nëse ai është relativisht i gjatë do të thotë se jeni energjik, të shkathët dhe punëtorë. Sa më i gjatë të jetë ky gisht, aq më shumë sukses do të keni në karrierë. Jeni perfeksionist dhe mund të arrini shuma të mëdha me vendosmërinë dhe energjinë tuaj.
Nëse ky gisht është më i shkurtër, do të thotë se ju ndiheni të kënaqur nga gjërat e lumtura që ju rrethojnë. Ndonjëherë ju pëlqen të relaksoheni dhe të mos bëni asgjë dhe të tjerët mund t’ju akuzojnë se jeni shumë përtacë, por argumenti juaj është: “Jeta është e shkurtër”.
Gishti i katërt
Një gisht i katërt i gjatë është tregues se familja është shumë e rëndësishme për ju. Jeni dëgjues i mirë dhe prekeni vazhdimsiht nga pakënaqësitë brenda familjes. Kinezët thonë se keni një shpirt të butë dhe merrni ndonjëherë edhe përgjegjësitë e të tjerëve mbi supe.
Një gisht i shkurtër do të thotë se familja dhe marrëdhëniet e kësaj natyre janë më pak të rëndësishme për ju – fokusi juaj është diku tjetër.
Gishti i vogël
Fëmijët që i bëjnë bisht përgjegjësive dhe mërziten menjëherë për gjërat më të vogla e kanë gishtin e fundit shumë të vogël. Keni tendencën të jeni gjithnjë një Peter Pan, por kujtoni që duhet të rritemi të gjithë një ditë!
Dhe tani vëmendje! Nëse një mashkull është i aftë të lëvizë gishtin e vogël të këmbës do të thotë se ai është numri një i argëtimit, aventurave, çmendurisë. Ata janë partnerë të duhur kur vjen puna tek lidhjet afatshkurtra, por mbajini larg martesës; s’janë të qëndrueshëm dhe s’garantojnë martesë të shëndetshme.
Karakteristika të tjera që duhet të vini re:
Nëse çdo gisht është më i gjerë se ai i mëparshmi, tregon se jeni një person metodik, i saktë dhe jashtëzakonisht praktik. Jeni i interesuar ndaj detajeve dhe dëshironi që ta çoni deri në fund atë që keni nisur.
Nëse këmbët tuaja janë të forta dhe nuk lodheni kur jeni në lëvizje, për kinezët kjo gjë tregon se jeni të lumtur kur jeni të zënë me punë dhe reflektoni vazhdimisht për të pasur një ditë më të qetë.
Nëse këmba juaj është e gjatë dhe e hollë, ju jeni jeni që i zgjidhni gjërat lehtë. Pse të mundoheni të bëni shumë punë, kur mund të merrni dikë që t’ju ndihmojë? Keni një ndjenjë të fortë estetike për gjërat e bukura. Për kinezët, këmbët tuaja janë si këmbë princeshash që mezi e prekin tokën.
Nëse e keni këmbën me kurriz, jeni njeri i pavarur, shumë i pavarur. I kushtoni vetes shumë rëndësi dhe ndonjëherë mund të akuzoheni edhe si anti-social. Keni një vullnet të hekurt, por mbani parasysh faktin se nuk është dobësi të kërkosh ndihmë nëse ju nevojitet.
Burimi: Daily Mail
