Vitor Pukri dhe familja e tij jetonin në Clifton, New Jersey prej 17 vitesh. Para dy muajsh ai u takua me oficerë të ICE, agjencisë së emigracionit në Amerikë. Ai mendoi se po intervistohej për t’u bërë qytetar i ligjshëm aty, por e vërteta ishte krejt ndryshe.
Ai u burgos dhe pas dy muajsh doli përpara Bordit të Apelit, i cili ia refuzoi kërkesën për të ndaluar deportimin. Brenda pak orësh, Pukri u hip në avion për t'u dërguar në Shqipëri. Bashkëshortja e tij, Neta Pukri dhe i biri, Mikel Pukri, u arrestuan në aeroport sepse u përpoqën të pengonin deportimin.
Avokati i familjes do të kërkojë lirimin e Neta Pukrit, pasi ajo duhet të kujdeset për vajzën 11-vjeçare, e cila është shtetase amerikane.
Dy djemve, Mikelit 21-vjeçar dhe Bepit 26-vjeçar, nuk dihet ç’do t’u ndodhë.
Që prej ardhjes së Donald Trump në pushtet, politikat e emigracionit janë forcuar dhe deportimet janë shtuar.
