Pak pasi solli në jetë vogëlushen Stormi, Kylie Jenner i është rikthyer rrjeteve sociale. Fansat e saj mesa duket mezi kanë pritur për të vërshuar me mijëra komente në fotot e yllit të “Keeping Up With The Kardashians”. Mirëpo na bëri përshtypje pse shumica komenton 'LB' në çdo foto të mundshme?!
Nejse, rroftë interneti! Shkurtimi LB do të thotë 'Like Me back' ose thjesht 'Like Back'. Pra, është një formë kërkese që ti i bën të tjerëve sipas një rregulli: I pëlqen foton në Instagram, komenton 'LB' dhe pret që tjetri të ta ktheje Like-un. Po një pyetje kemi tani, këta presin që Kylie t’u pëlqejë fotot?!
Sigurisht që jo! Qëllimi kryesor i këtyre komentuesve që nuk pushojnë së shkruari 'LB', 'LB', 'LB' etj, është promovimi i Intagram-it të tyre. Sa më shumë komente, aq më shumë do të bien në sy në një profil, që në rastin e Kylie-t numëron diku tek 106 milionë njerëz.
Taktikë e zgjuar, por edhe acaruese në të njëjtën kohë. Imagjino të lexoni në fotot tuaja qindra e mijëra komente boshe, thjesht 'LB'. Edhe Kylie njeri është dreqin, nxehet njësoj si ne.
“Mjaft shkruajtët LB në të gjitha fotot e mia në Instagram duke më përdorur për të promovuar veten”, shkruajti ajo në një status në Twitter në nëntor të 2012-ës.
STOP WRITING LB ON ALL MY INSTAGRAM PHOTOS AND USING ME AS A WAY TO ADVERTISE YOURSELF.
— Kylie Jenner (@KylieJenner) November 30, 2012
E tha, po kujt ia tha?! Fansat duket se nuk pushojnë me metodën e tyre për të fituar ca followers më shumë; të dyja palët dalin me fitim.
E kështu, Happy Instagramming!
Copyright Anabel.al / Ndalohet ribotimi pa lejen e redaksisë.
