Kur ke cikël të rregullt menstrual, ardhja e periodave më herët se zakonisht bëhet diçka shqetësuese. Në këtë rast frika e ndonjë çrregullsie apo shtatëzanie është ajo që shoqëron pjesën më të madhe të femrave. Sipas specialistëve ka një sërë arsyesh të cilat shkaktojnë ardhjen e parakohshme të menstruacioneve. Më poshtë po rendisim vetëm 6 nga këto arsye:
Dieta
Çrregullsitë në ciklin menstrual kur ju ndiqni një dietë janë të pritshme. Fakti që trupi juaj ka ndryshuar mënyrën e të ushqyerit bën që sistemi juaj i riprodhimit të ndryshojë edhe ai zakonet e tij.
Medikamentet
Nëse po merrni medikamente mjekësore atëherë me shumë mundësi ju do të pësoni edhe një farë çrregullsie të ciklit tuaj menstrual. Specialistët tregojnë se medikamentet mjekësore kanë tendencën për të holluar gjakun dhe kjo bën që menstruacionet tuaja të vijnë më herët seç e keni parashikuar.
Stresi
Stresi është një faktor kyç ndikues në ciklin menstrual. Stresi ndikon në luhatjen e hormoneve dhe rrjedhimisht edhe në çrregullimin e ciklit.
Pilula e emergjencës
Nëse disa ditë para periodave vendosni që të merrni pilulën e emergjencës, atëherë me shumë mundësi periodat do t’ju vijë më herët. Trupi juaj pas marrjes së këtij medikamenti ka tendencën për të nxjerrë jashtë tij çdo gjë të huaj.
Menopauza
Sigurisht që hyrja në menopauzë shoqërohet me çrregullime të ciklit. Ardhja e periodave më shpejt apo më vonë ndodh si pasojë e këtyre çrregullimeve.
Burimi: Hellogiggles
Copyright Anabel.al / Ndalohet ribotimi pa lejen e redaksisë.
Copyright Anabel.al / Ndalohet ribotimi pa lejen e redaksisë.
