Një sondazh i ditës së djeshme në Anabel.al kishte si qëllim të testonte se çfarë mendojnë realisht shqiptarët në lidhje me operacionet plastike. Për të ngritur pyetjet e sondazhit morëm shkas nga komentet fyese nëpër rrjete sociale kundrejt personave të njohur e të panjohur, shqiptarë e të huaj, të cilët kanë kryer një apo disa operacione plastike.
Siç duket edhe nga tabela, operacioni plastik nuk shihet aspak si tabu, por si një zgjidhje e vlefshme për këdo që nuk ndihet komod me tiparet e fytyrës apo trupit. 77% votuan se do t’i drejtoheshin me patjetër kirurgut.
S’po u besonin syve kur pamë se 94% ishin me idenë se operacionet e tilla janë e drejtë e çdokujt që s’ndihet rehat me veten.
Rikthehemi edhe njëherë tek komentet, të cilat janë të shumta dhe duhet ta pranojmë se shumica janë fyese dhe të papërshtatshme. Shifrat nga votimet e dëshmojnë më së miri këtë.
Sigurisht që jo të gjithë do të bien dakord me rastet kur le të themi se “teprohet” me të tilla ndërhyrje (73% s’i përkrahin), por pjesa dërrmuese nuk është aspak dakord me komentet denigruese ngado. Në fund të fundit, sido që të jenë operacionet, sido që të shndërrohen këta njerëz, për mirë apo për keq...kujt i hyn në xhep?!
Copyright Anabel.al / Ndalohet ribotimi pa lejen e redaksisë.
