Ditën e djeshme, më shumë se sa Bella Hadid takoi David Beckham- in u duk se David dora vetë, pati nderin të takonte modelen në fjalë.
Gjatë një ndeshjeje të Paris Saint- Germain- it fati deshi t’i bënte bashkë dhe jo vetëm kaq, por shkoi i uli ngjitur e ngjitur mundësisht.
Shtrëngohen duart, bëhet prezantimi, ndërkohë që David- it i shkon buza vesh më vesh. Por Bella s’mund ta lëshojë veten kurrsesi. Jo për gjë po lëre pastaj që ka një burrë të martuar përballë.
Ndeshja fillon por kush do t’ia dijë. Ka gjithë jetën që shkon pas topit, sa këtë herë David- i ia lejon vetes pak shplodhje syri. E sheh ashtu skuthtazi Bella- n e kushedi ç’bluan në mendje:
A: Çfarë profiliiiii
B. Ah, të isha dhe njëherë i ri
C. Njësoj si në foto qenka, s’ke ç’i thua
Të ishin pranë njëri- tjetrit dhe të mos flisnin? Po ku është parë kjo? Po nja dy fjalë do i shkëmbenin se të gjallë janë.
Pastaj, ai u kujtua që kishte kamera vërdallë, që kushedi ç’aludon bota ndaj më mirë kokën drejt. Por kur pa që ai s’ia vari më, ajo e gjeti një mënyrë për t’ia tërhequr vëmendjen.
David i tha ç’kishte për t’i thënë dhe vazhdoi në hesap të tij.
A thua se këtu do të thotë: Jam serioz okay? Kuptuat të gjithë? Kuptove Victoria? SE- RI- OZ
Pastaj si për dreq, shkon i tërheq rastësisht vëmendjen diçka nga cepi dhe nuk kishte çfarë bënte, duhet të kthente kokën andej nga Bella. Rastësi ishte, edhe ndodh!
David është shumë i ndërgjegjshëm që s’ka ç’bën. Shfryen, përpëlitet, ha veten me dhëmbë por e di që gjithçka po bën aty, do të shikohet me imtësinë më të madhe nga e shoqja. Ndaj bën mirë, po bën mirë të tregohet një zotëri i vërtetë.
Jo se ai vetë do të donte diçka me Bella- n. Absolutisht jo dhe jo. As ky zotëria këtu meqë ra fjala.
Burimi: Daily Mail
