Që prej vitit 1981, ndryshimi i orës të dielën e fundit të muajit tetor dhe mars është një ritual i përvitshëm për Europën. Qëllimi kryesor është sigurimi i orëve shtesë me dritë për mbrëmjet e verës dhe mëngjeset e dimrit.

Por Parlamenti Europian mesa duket do nisë një rishikim të këtij rituali dhe ora mund të mos ndryshojë më kurrë. Finlanda arriti të mblidhte muajin e kaluar 70.000 firma nga qytetarët, të cilët kërkonin heqjen e kësaj praktike.

Kritikët thonë se ndryshimi i orës sjell rritje të aksidenteve rrugore dhe probleme me gjumin, të cilat duhen të merren seriozisht parasysh.

“Lëvizja e akrepave 60 minuta përpara në verë i bën njerëzit më të lodhur dhe si rrjedhojë rritet rreziku nga aksidentet”, argumentoi europarlamentarja franceze, Karima Delli

Për ata që zgjimi në mëngjes është një punë e vështirë, ky është një lajm i mirë pasi nuk do të flenë një orë më pak në mars.

Burimi: BBC