Vendimi për të rimodeluar shtëpinë padyshim që të fut në dilema të mëdha. Sa më shumë modele apo trende të shohësh, aq më e pamundur të duket për të vendosur. Gjithsesi pasi të shihni ç’sugjerojnë ekspertët për këtë vit, ju sigurojmë se do ta keni shumë më të lehtë për ta bërë këtë.
1. Më shumë ngjyra në kuzhinë.
Ndonëse e bardha do të mbetet përgjithmonë ngjyra klasike për kuzhinën, dizenjuesit sugjerojnë përdorimin e ngjyrave të ngrohta dhe atyre neutrale. I japin ambientit freski, harmoni dhe ndjesi unike.
2. Mobilojeni shtëpinë me ngjyra të plota.
Gri e kombinuar me një divan ngjyrë kamel apo nuanca të kafes, kjo është ajo që do të shihet më së shumti nëpër shtëpi këtë vit. Energjia që jep miksimi i kujdesshëm i tyre s’është kurrë e gabuar!
3. Motivet me lule.
Ndonëse një tendencë të tillë e kemi parë gjithë kohës në Instagram, ekspertët e shtëpive sugjerojnë edhe më shumë printime të guximshme këtë vit.
4. Dhoma gjumi të thjeshta dhe të qeta.
Sa më thjeshtë aq më mirë! Me shumë gjasa, gjithnjë do të ecim më këtë teori e cila këtë vit është kryefjala e arkitektëve kur vjen puna tek arredimi i dhomës së gjumit. Ngjyra të thjeshta, shlodhëse për syrin objekte minimale. Mjafton që shtrati dhe dysheku të jenë të rehatshëm dhe dhoma të mbahet pastër.
5. Ndriçimi vintage.
Abazhurët e vjetër s’keni pse t’i flakni duke qenë se fare mirë mund t’i përdorni me pak kujdes nëpër ambientet e shtëpisë suaj. Është në modë!
Burimi: The Washington Post
