Pak ditë më parë, Adelina Tahiri postoi në Instagram një foto të unazës me diamantë të vegjël, të cilën e shoqëroi me nënshkrimin “Thashë po!”. Këngëtarja që prej 3 viteve është në një romancë me avokatin e njohur maqedonas, Serjoza Markov.
Sipas “Prive” këtë të enjte këngëtarja është kurorëzuar pranë familjarëve dhe rrethit të ngushtë shoqëror, në një restorant në Maqedoni për t’u zhvendosur më pas në Vjenë, ku ka disa kohë që jeton me partnerin e saj.
Çifti ka planifikuar të martohet në muajin prill të vitit që po vjen. Dasma do të mbahet në të njëjtin vend ku ndodhi edhe kurorëzimi. Ndërsa për sa i përket listës së të ftuarve këngëtarja ka preferuar një dasmë intime, me 120 të ftuar.
