Vin Veli ka tradhtuar, por është ndier tmerrësisht keq pas kësaj. Ai kujton se ka patur vetëm 3-4 lidhje dhe thotë se s’ia ndien të mburret, sepse nuk është tip sipërfaqësor.
I ftuar në “Oktapod”, DJ sqaroi se s’është aspak siç mund të përfytyrohet një DJ.
“Unë dua të them që gjatë gjithë jetës sime kam patur 3-4 lidhje, një 3-vjeçare... Nuk është se unë vlerësoj bukurinë dhe pamjen. S’jam tip materialist apo tip fasade, që të them: “Më pëlqen kjo sepse ka trupin.” Ndoshta ngaqë lidhjet që kam patur kanë qenë lidhje të mira. Lidhja ime e parë ka zgjatur 5 vjet. Edhe të tjerat kanë qenë të gjata.”
Megjithatë, këtë ia mësoi tradhtia. Nuk ndihej aspak mirë pasi tradhtonte, kështu që vendosi të ruante lidhje serioze.
“Po, kam tradhtuar, sigurisht. Por jam ndier shumë keq.
“Ndoshta mendoj që tradhtitë më kanë bërë të kuptoj që nuk është tek ajo [bukuria]. Pastaj jam rezervuar dhe jam limituar prej atyre ndjesive që kam patur.”
Këtë javë, u përfol se shkak i ndarjes së tij nga Bora Zemani është tradhtia. Por Vin Veli e mohoi vetë këtë i ftuar tek “Rudina”, ku u shpreh se tradhtia s’kishte asnjë lidhje.
