Krishtlindjet erdhën më herët për punonjësit në një restorant në Arizona. Ata tregojnë se një burrë i panjohur hyri brenda në restorant dhe porositi vezë më proshutë.
Vakti i tij kushonte vetëm 17 dollarë, por ‘i dërguari i Perëndisë’ u tregua shumë bujar dhe dha 2000 dollarë bakshish. Një shumë e majme që siç shkruante në faturë, duhej ndarë për të nëntë punonjësit e restorantit.
“Kur e dëgjon në lajmë, s’e mendon kurrë se do të ndodhë ty, por 200 dollarë bëjnë një diferencë shumë të madhe në rrogën e një kuzhinieri, apo kamarieri,” tregon menaxherja e restorantit për CNN, shumë e emocionuar që dikush është treguar kaq bujar në prag të festave të fundvitit.
