Mund të keni pasur përshtypjen se mbrëmja e dytë e “Këngës Magjike” do të ishte diçka e përtypshme. U gabuat. Spektakli ishte i mbushur me emocion, performanca të shkëlqyera dhe veshje që na morën mendjen.
Rea Nuhu
Rea Nuhu performoi me këtë fustan të bardhë tyl, me pika në pjesën e fundit dhe printe lulesh mbi kraharor.
E kombinoi me këpucë të rënda të zeza dhe një kapele, si dhe me grim të artë, prag natyrales.
Rea goditi në shenjë. I përshtatet më së miri këngës dhe i rri kaq bukur në trup.
Samanta Karavella
Samanta Karavella solli një Cher miksuar me pak Beyonce me fustanin e madh të zi.
Shpatullat zbuluar dhe rripi i madh e i ngushtë e bënë më femëror gjithë look-un, ndërsa grimi i errët dhe flokët e shprishur komplementonin me egërsinë e nevojshme.
Dy të kundërta miksuar më së miri.
Klejti Mahmutaj
Klejti Mahmutaj surprizoi me flokët e shkurtër bjond dhe me xhaketën e këpucët me xixa.
S’na e merrte mendja që do e thonim kaq shpejt këtë, por xixat duken këndshëm. Është ndryshe nga pafundësia e kostumeve që u ngjitën në skenë mbrëmjen e parë.
Xhon Jesku
Meqë ishim tek kostumet, flasim pak për këtë të Xhon Jeskut. Është prerje e thjeshtë, veshur me atlete, por gjendet në këtë listë sepse i puthitet në mënyrë perfekte pas trupit.
Është vështirë të gjesh një kostum që të bën fiks. Urime Xhon!
Elhaida Dani
Elhaida Dani zgjodhi trendin më në zë të momentit si aksesor të veshjes së saj: Perla në gjithë gjatësinë e pjesës së poshtme të fustanit.
Tregoi dhe pak lëkurë në bel dhe shpatulla. Mjaftueshëm për të përcjellë një ndjesi sensualiteti. Ndoshta veshja më e veçantë e mbrëmjes.
Laura Nezha
Laura Nezha, ose le të themi Jennifer Lopez, performoi koreografinë dhe këngën me këtë trupore të ngushtë me paterna, rrjetë dhe shumë shkëlqim.
Trupi: 10/10.
Sqarim: Renditja nuk ishte rritëse apo zbritëse, thjesht veshjet më të mira të mbrëmjes së dytë.
Nevina Shtylla prezantoi me fustanin më të shkëlqyeshëm që na kanë zënë sytë. I gjithi i mbuluar me gurë të veckël, bustierë romantike, dhe fund në prerje A-je, ishte absolutisht zgjedhja e duhur për Miss-in.
Ndërsa Arjola veshi një prerje më të thjeshtë e më të ngurtë të një fustani po me prerje A-je, me rripa të trashë, jakë katrore dhe paternë të kuqe në gjithë sipërfaqen. Glam!
Besi dhe Erjoni veshën kostume të zinj identikë (?) që u rrinin shumë mirë.
Venera Lumani dhe Juliana Pasha ndriçuan skenën me veshjet e tyre të shkëlqyeshme.
Ndërsa Françeska Çoniku, ose vajza e siglës, erdhi sërish me veshjen e klipit. Gjejmë momentin për të thënë që është super stil. Një pariziene në Tiranë.
Performues të tjerë:
