Le ta nisim me ca fakte. Toka po ngrohet çdo ditë e më shumë sepse njerëzit po emetojnë çdo ditë e më shumë gaze ndotëse. Fabrikat, makinat emetojnë gazra, toka ngrohet, efekti serrë që kemi mësuar në 9-vjeçare. Këto janë fakte të vërtetuara shkencërisht.
Po edhe çfarë? Na e kanë thënë me vite me radhë që planeti po ngrohet, edhe çfarë pastaj? Ç’pasoja ka në jetën e përditshme rritja e temperaturave të planetit? Dhe ç’lidhje ka kjo me reshjet e shiut?
Si fillim, ngrohja globale ndikon drejtpërdrejtë motin dhe eventi meteorologjik që ndikon çdo gjë të gjallë në tokë është shiu. Shumë pak shi, thatësira dhe zjarre. Shumë shi, përmbytje dhe shkatërrim infrastrukture.
Rikthehemi tek ngritja e temperaturave. Sa më i ngrohtë të jetë ajri, aq më shumë lagështirë mban. Me ngrohjen graduale të planetit, ajri do të bëhet gjithnjë e më i lagësht, që do të rezultojë në reshje shiu intensive dhe stuhi shkaktare përmbytjesh.
Ky grafik tregon temperaturën gjatë percipitimit maksimal (sa ishte temperatura e ajrit në momentin që shiu ishte më i dendur). Me rritjen e temperaturës (boshti horizontal), rritet niveli i percipitimit (boshti horizontal). Studimet tregojnë se percipitimi rritet me 5-10% për çdo rritje të temperaturës me një gradë celsius.
Pa u përpjekur të luajmë profesorin: Njerëzit emetojnë gaze ndotës. Gazet ndotës ngrohin tokën, krijojnë efektin serrë. Temperaturat rriten. Reshjet janë më të dendura me rritjen e temperaturave. Ergo, fajin e kanë njerëzit.
Burimi: Scientific American