Në 2012-n, para gjithë reperëve botërorë dhe vendas, Capital T dhe 2po2 lançuan këngën “As Gucci, as Louis”.
Dhe me gjithë vetëbesimin e mundshëm mund të themi që Enca do t’i hante me dhëmbë të dy. Kjo këngë i ka të gjitha. Edhe Gucci, edhe Louis. Madje në tekst ka edhe Dolce, edhe Fendi.
Dy vite më vonë, një i ri dhe i papërvojë i repit i quajtur NDERI, publikoi “Ajo don Gucci”. Shiheni vetë në gjithë lavdinë e saj. S’kemi koment.
Patstaj ishte Marin - Gucci.
Asnjëri nga këta nuk mund të kreditohet si nismëtar i trendit Gucci nëpër këngë. Tregu u përmbyt me Gucci në 2016-n, pasi Tyga bashkëpunoi me Desiigner për “Gucci Snakes”. Titujt me emrin e brandit nuk kanë fund, ku më i fundit është “Gucci Gang” nga Lil Pump (lindur në vitin 2000!!!)
Në shqip, në krye të këngëve Gucci është kjo nga Buta, mjeshtër i mburrjes me brande.
S’pe di a me ble do Gucci
S’pe di a me ble do Bally
Dhe më e freksëta, “Papuqe Gucci” nga Gjiko që përmend edhe Gucci edhe Louis. Enca mund ta ketë pasur personalisht me këtë tekst, s’i dihet.
Tu shku te kojshit me Papuqe Gucci
Syzat nuk po shkojn se jon Louis
Për hir të gjithë herëve që kemi thënë Gucci në këtë artikull, po listojmë këngët më të mira në nder të brandit. Gucci për herë të fundit!
