Nëse jeni të fiksuara pas veshjeve të brendshme, kjo është periudha më e bukur e vitit. Shfaqja e përvitshme e Victoria’s Secret, është një ndër eventet më të famshme të kalenderit, por sigurisht emri i saj i mirë nuk ka ardhur lehtë. Në fakt duhet shumë më tepër punë nga ç’mund ta imagjinojnë njerëzit.

Dhe asgjë nuk e vërteton më mirë këtë përveçse punës që bëhet në prapaskenë. Një ndër ëngjëjt më të famshëm të momentit është padyshim Bella Hadid, e cila ka qenë në fokusin e aparatit të fotografëve.

E veshur me të brendshme, Bella është fotografuar teksa bëhej priste që flokët dhe make up-i i saj të përfundonin.

Këtë vit, sfilata do të mbahet në Shanghai dhe do të rikthejë fytyra shumë të dashura të pasarelës si Karlie Kloss dhe Sara Sampaio.

Në ndryshim nga vitet e tjera, në sfilatën e këtij viti të Victoria’s Secret, Kendall Jenner dhe Gigi Hadid nuk do të marrin pjesë. Pak ditë më parë, Gigi konfirmoi se nuk do të jetë pjesë e pasarelës dhe thuhet se shkak për këtë është bërë një video kontraversiale e saj, e cila i ka sjellë probleme me dhënien e vizës.

Alessandra Ambrosio,  një nga modelet ikonë të markës, ndonëse do të jetë pjesë e sfilatës, po mendon që pas përfundimit të marrë një kohë pushim për veten e saj.

Super modelet, shumë të entuziazmuara kanë ndarë në rrjetet sociale imazhe nga përgatitjet finale para shfaqjes së madhe.

Burimi: Daily Mail